Torolalana raha misy tranga tsy fandriam-pahalemana

Fampahafantarana ny fomba rehetra atao raha sendra tojo tsy fandriampahalemana.

Fe-potoana fikarakarana: tsy voafetra

Toerana: ireo biraon’ny zandary rehetra

Sarany: maimaim-poana

Dingana 1 : fampandrenesana ny tobin’ny zandary

Milaza ny mombamomban'ny mpiantso :

• Anarana ;
• Adiresy ;
• Toerana misy azy amin’ny fotoana iantsoany.

Faharetan'ny fikarakarana : eo no eo.

Toerana : izay biraon’ny zandary miandraikitra ilay toerana.

Sarany : maimaim-poana.

Dinagana 2 : filazana fohy ny tranga misy

Mamaly ireto fanontaniana ireto avy hatrany mba entina milaza ny zandary ny tranga :

• Inona ilay tranga misy ?
• Aiza ny toerana misy azy ?
• Daty sy ora nitrangany ?
• Inona ny vokany (zava-niseho taorian'ilay tranga) ?
• Inona no fepetra efa noraisainao ?

Faharetan'ny fikarakarana : eo no eo.

Toerana : izay biraon’ny zandary miandraikitra ilay toerana.

Sarany : maimaim-poana.