Caisse Nationale de Prévoyance Sociale (CNaPS)

Ny CNaPS dia sampan-draharaham-panjakana manana endrika ara-barotra sy indostrialy, eo ambany fiahian’ny Ministeran’ny Asa, ny Fampananan’asa, ny Asam-panjakana ary ny Lalàna Sosialy sy ny Ministeran’ny Vola sy ny Toe-karena. Ny iraka sahaniny dia mandray anjara feno amin’ny fanantanterahana ny politikan’ny fiahiana ara-tsosialin’ny Fanjakana malagasy ho an’ireo mpiasa amin’ny sehatra tsy miankina, manome azy ireo sy ny fianakaviany ary ny mitovy aminy ny tolotra mahakasika ny fiahiana ny fianakaviana, ny fandraisana an-tanana ny loza sy aretina vokatry ny asa ary ny fisotroan-dronono. Mampihatra ihany koa ny Lalàna mifehy ny fiahiana ara-tsosialy ; mandray an-tanana ny asa mifandraika amin’ny ara-pahasalamana sy ny ara-tsosialy toy ny fisorohana ny loza sy aretina vokatry ny asa, ny fampiroboroboana ny fitandroana ny fahadiovana sy ny fahasalamana eny anivon’ny toeram-piasana, ny fanapariahana ny rijan-teny mahakasika ny fiahiana ara-tsosialy, ny asa sosialy ho tombotsoan’ireo mpikambana CNaPS sy ny fianakaviany.

Dingana arahina

Jereo amin’ity rohy ity ireo dingana rehetra arahina amin’ny fisitrahana ireo tolotra ara-tsosialy : https://www.cnaps.mg/fr/categorie/comment-adherer.

Antontan-taratasy ilaina :

Misy karazany ireo antontan-taratasy omena ny mpikambana, arakaraky ny ilaina azy. Azonao jerena sy alaina amin’ity rohy ity ireo taratasy hanaovana fangatahana : https://www.cnaps.mg/fr/telechargement

LATSAKEMBOKA

Taratasy fanamarinana tokana CNaPS- FMFP mahakasika ny Talon Declaration Nominative des Salaires
Taratasy fanamarinana tokana CNaPS-FMFP Filazan-karama (DNS) amin’ny endriny elektronika
Taratasy Filazan-karama (DNS)
Taratasy Filazan-karama (DNS) ho an’ny Sampan-draharam-panjakana
Filazan-karama (DNS) SME 2022

FAHAZOANA LAHARANA SY FIDIRANA HO MPIKAMBANA

Filazana fampidirana na fanalana mpiasa, fangatahana laharana CNaPS ho an’ny mpiasa
Filazana fampidirana / fanalana mpiasa iraisana
Fangatahana laharana maha mpikambana ho an’ny mpampiasa
Fangatahana fanoloana sokajin’anaranan’ilay orinasa (Raison Sociale)

FANAMPIANA NY FIANAKAVIANA

Fangatahana volan-jaza
Fangatahana volan’ny bevohoka sy mpitaiza kely
Fangatahana antsasa-karama
Fangatahana fanonerana ny vola lany tamin’ny fiterahana
Taratasy fanamarinana tombok’ora
Fangatahana fanamarinana tsy fandoavana Zo

LOZA SY ARETINA VOKATRY NY ASA

Karatry ny tra-doza
Taratasy A- B- C
Taratasy filazana loza sy aretina vokatry ny asa • FISOTROAN-DRONONO
Taratasy fangatahana fisitrahana ny Zo (DLPR)
Taratasy fanamarinana ny niasana sy ny karama
Taratasy fangatahana famindrana latsakemboka
Taratasy fanamarinana tsy fahafahana miasa

Faharetan'ny fikarakarana ankapobeny :

Ny fotoana hikirakirana ny antontan-taratasy dia tahaka izao manaraka izao, raha toa ka ara-dalàna ny antontan-taratasy :

Fanampiana ny fianakaviana : 15 andro
Fisotroan-dronono : 90 andro

Ny toerana hikirakirana ireo antontan-taratasy :

Azon’ny mpikambana CNaPS atao ny mametraka ny antontan-taratasiny eny amin’ny birao CNaPS rehetra akaiky azy sy manerana ny Nosy. (Foibe eny Ampefiloha, ireo Masoivoho, Tendro sy birao manodidina) na amin’ny alalan’ny :

Mailaka : clientele.cnaps@cnaps.mg
Tranokala : https://www.cnaps.mg
Facebook : https://web.facebook.com/cnapsmada

Caisse Nationale de Prévoyance Sociale (CNaPS)

Dingana arahina

Nahaliana anao ve ny torohevitra hitanao tato amin'ny pejy ?